盒仔艦合照

地球防衛軍艦：旗艦「安德魯美達號」及主力戰艦

終於搞掂咗隻「安德魯美達號」，跟著整隻「亞里桑那號」，目標係整隊微型艦隊！

安德魯美達號：

 主力戰艦：

兩隻打孖上：

波動炮準備發射…

發射！

盒仔艦(2)：安德魯美達號及主力戰艦（製作）（i）

兩艘盒仔艦：安德魯美達號及主力戰艦，主要係重新同艦身整形，再加細緻部件同刻線。

(a) 安德魯美達號：作為地球防衛軍嘅旗艦，為突出其剽悍及有型，我刻把其頭部拉長，艦身線條拉直，減少艦形胖短的感覺，增加其「威武」感覺。

重新再造頂部及兩旁波動炮管，艦身加長少許，再用原子灰及畢地打磨整形。

重整艦身部分部件及刻線，艦身開口及穿光纖，內裡加燈。

(b) 主力戰艦：同樣改造頭部及艦身外形，再同艦橋整形，令其外形更好看。

引擎及其他部件

（待續）

盒仔艦 (1)：地球防衛軍巡洋艦

這是早前響應模聯「齊齊砌」而整嘅「宇宙戰艦 ヤマト」盒仔艦系列中嘅「地球防衛軍巡洋艦」，本來打算整埋「安德魯美達號」同「主力戰艦」，不過由於投放太多時間整「Cordoba」，所以失預算砌唔，唯有後補。

連合宇宙軍重巡洋艦 "Cordoba"

這是剛於早前完成的「自作業」。Cordoba，日本卡通Crusher Joe中連合宇宙軍嘅重巡洋艦，其實我未睇過呢套卡通，純粹係因為被河森正治嘅機械設計所吸引，再加上日本模型網頁「DORO☆OFF」其中一位成員竹下やすひろ整過一隻非常正斗，以1/3500模型改造而成嘅作品，所以膽粗粗又整翻隻。不過呢隻 Cordoba 確實外形相當奇特，不同於其他日本卡通嘅太空戰艦有明顯嘅艦橋，而且成身炮塔，身形十足十一隻古代生物「龍王鯨」(Basilosaurus)咁款。

由於多炮塔係呢隻艦嘅特色，所以製作重點放在炮塔上。除此之外，亦以艦身窗口來表現細緻部份，有別於竹下やすひろ把模型部件鋪在艦身以突顯其精細。搜尋本艦資料得知艦長980多米，而本模型長65cm左右，所以比例約 1/1600。

Cordoba 的原設計圖：

以下為模型的全貌：

艦身細部（左）:

艦身細部（右）：

艦底及頂：

左右兩側：